Անդամության կարգ

Քաղաքական գիտության Հայաստանի ասոցիացիայի (այսուհետև՝ ՔԳՀԱ) անդամ կարող են դառնալ Հայաստանի Հանրապետության, ինչպես նաև օտարերկրյա պետության ցանկացած չափահաս քաղաքացի կամ քաղաքացիություն չունեցող ֆիզիկական անձ, ով ցանկանում է մասնակցել նրա գործունեությանը, ընդունում է ՔԳՀԱ-ի կանոնադրությունը և ունի ՔԳՀԱ-ի մեջ ընդունվելու վերաբերյալ ՔԳՀԱ-ի խորհրդի անդամի կամ ՔԳՀԱ-ի առնվազն երկու անդամի երաշխավորություն:

ՔԳՀԱ-ի անդամ դառնալու ցանկություն ունեցող անձը գրավոր դիմում է ՔԳՀԱ-ի խորհրդին կամ նամակ ուղարկում bpoghosyan@psaa.am հասցեով՝ ՔԳՀԱ-ի Գործադիր տնօրեն, պատմական գիտությունների թեկնածու Բենիամին Պողոսյանին:

ՔԳՀԱ-ն ունի նաև պատվավոր անդամներ, որոնք հրավիրվում են ՔԳՀԱ-ի խորհրդի անդամի կամ ՔԳՀԱ-ի առնվազն երկու անդամի առաջարկով և հրավիրված անձի գրավոր համաձայնության դեպքում հաստատվում են Խորհրդի կողմից: ՔԳՀԱ-ի պատվավոր անդամ կարող են դառնալ հայաստանյան և միջազգային քաղաքագիտության և քաղաքականության կարկառուն ներկայացուցիչներ, որոնք իրենց գործունեությամբ էական ներդրում են ունեցել քաղաքական գիտության զարգացման, ազգային և միջազգային քաղաքական հիմնախնդիրների լուծման, հակամարտությունների լուծման, խաղաղության հաստատման և անվտանգության ապահովման գործում:

ՔԳՀԱ-ի խորհուրդը քննարկում է անդամության մասին դիմումը այն ստանալուց մեկ ամսվա ընթացքում և որոշում է կայացնում, որի մասին տեղեկացնում է դիմողին: Մերժելու դեպքում ՔԳՀԱ-ի խորհուրդը պարտավոր չէ դիմողին ներկայացնելու մերժման պատճառները:

ՔԳՀԱ-ն անդամագրված անձն ազատ է դուրս գալու ՔԳՀԱ-ից` իր համապատասխան դիմումի հիման վրա:

Ասոցիացիայի անդամությունից զրկումը տեղի է ունենում ՔԳՀԱ-ի խորհրդի որոշմամբ` Կանոնադրական և կարգապահական սկզբունքները չկատարելու, մասնագիտական թերացումների և օրենսդրական խախտումների պատճառով: