By Կորեայի Հանրապետությունում լույս է տեսել ՀՀ ԳԱԱ թղթակից անդամ, գիտության վաստակավոր գործիչ, պատմական գիտությունների դոկտոր, պրոֆեսոր Նիկոլայ Հովհաննիսյանի` Հայոց ցեղասպանությանը նվիրված մենագրությունը կորեերեն լեզվով («Հայոց ցեղասպանություն», Կորեա, 2011, 196 էջ), 500 տպաքանակով: Աշխատությունը կորեերեն է թարգմանվել անգլերեն բնագրից: Աշխատությունը ժամանակին հրատարակվել է նաև գերմաներեն, ռուսերեն, ֆրանսերեն լեզուներով: Այն արդեն թարգմանվել է ռումիներեն և լույս կտեսնի գալիք տարվա սկզբներին:
Պրոֆեսոր Ն. Հովհաննիսյանը հեղինակ է Հայոց ցեղասպանության հիմնախնդիրներին նվիրված բազմաթիվ մենագրությունների և գիտական հոդվածների, այդ թվում և «Հայոց ցեղասպանություն. Հայասպանությունը — ամենացեղասպան ցեղասպանություն. Աշխարհի տասը լեզուներով» կոթողային աշխատությունը:
